Ярларыннан чыкса елга...
Су чигенергә җыенмый. Татарстанның Гадәттән тыш хәлләр министрлыгы халыкны уяу булырга, алдан әзерләнергә чакыра. Апас районында Чирү авылына илтә торган юлны су баскан. Зур Күккүз һәм Шонгаты авылларында яшәүчеләрнең өйләренә су кергән. Яшел Үзән районының Татар Танаенда ике урам халкы “утрау”да калган. Буа районында ике күперне су баскан. Кайбыч һәм Тукай районнарында яшәүчеләр дә бу язны исендә калдырачак. Зөя, Мишә, Гөбенә, Мәллә, Кече Чирмешән, Актай, Минзәлә елгаларында боз киткән.
